نبی ﷺکا لب پر جو ذکر ہے بے مثال آیا، کمال آیا Nabi ka lab par jo zikr hai be misal aya naat with lyrics

نبی ﷺکا لب پر جو ذکر ہے بے مثال آیا، کمال آیا

شاعر:   ملک مبشر صائم

نبی کا لب پر جو ذکر ہے بے مثال آیا، کمال آیا

جو ہجرِ طیبہ میں یاد بن کر خیال آیا، کمال آیا

 

تیری دعاؤں ہی کی بدولت عذابِ رب سے بچے ہوئے ہیں

جو حق   میں     اُمّت    کے    سوال    آیا،    کمال    آیا

 

غرور حوروں کا توڑ ڈالا، لگا کے ماتھے پہ تِل خدا نے

جو کالے رنگ  کا    غلام  تیرا   بلال آیا،      کمال آیا

 

عمر کی جرأت پہ جاؤں قرباں، کہ جس سے شیطان بھی ہےلرزاں

عمر کے  آنے   سے   کفر  پر   جو    زوال    آیا،      کمال   آیا

 

نبی کی آمد سے نور پھیلا، فضائے شب پر نکھار آیا

چمن میں کلیوں کے رُخ پہ حسن و جمال آیا، کمال آیا

 

نبی تو صائم سبھی ہیں اعلٰی، ہیں رتبے سب کے بلند و بالا

مگر جو آخر میں     آمنہ کا     وہ لعل آیا،      کمال     آیا