TAJJ K BE ROOH MASHAGHIL AE DIL BY HAFEEZ TAIB

TAJJ K BE ROOH MASHAGHIL AE DIL BY HAFEEZ TAIB

تج کے بے روح مشاغل، اے دل 

چھیڑ حضرت کے شمائل، اے دل

مگر اتنا تجھے احساس رہے

سخت مشکل ہے یہ منزل، اے دل

نارسا فکرِ سخن ور ہے یہاں

وہ تو ہیں خلق کا حاصل، اے دل

بے شمار اُنکی عنایات اے جاں

بے کراں اُن کے فضائل، اے دل

نہ کوئی اُنکا محاسن میں شریک

نہ کوئی اُن کا مماثل، اے دل

نامِ پاک اُن کا ہے طغرائے نجات

اُن پہ قرآں ہوا نازل، اے دل

ضبطِ جذبات یہاں لازم ہے

اُن کا دربار ہے، اے دل، اے دل

تیری کوتاہی و غفلت کے سوا

ہے کوئی راہ میں حائل، اے دل